தென்கிழக்குப் பல்கலைக்கழகப் பிரயோக விஞ்ஞான பீடத்தின் புதிய இரசாயனவியல் பேராசிரியராக கலாநிதி எம்.எச். ஹாறுன் உயர்வு!!!!

(பாறுக் ஷிஹான்) 304ஆவது பேரவைக் கூட்டத்தில் 'Professor in Chemistry (on merit)' பதவி உயர்வுக்கு அங்கீகாரம்! பொத்துவிலைப் பிறப்பிடமாகக் கொண்ட சர்வதேச அளவிலான முன்னணி விஞ்ஞான ஆராய்ச்சி ஆளுமைக்குக் கிடைத்த உன்னத அங்கீகாரம்! தென்கிழக்குப் பல்கலைக்கழக பிரயோக விஞ்ஞான பீடத்தின் இரசாயனவியல் துறையில் நீண்டகாலமாகக் கல்வி, ஆராய்ச்சி மற்றும் நிர்வாகப் பணிகளில் சிறப்பாகப் பங்காற்றி வரும் சிரேஷ்ட விரிவுரையாளர் கலாநிதி எம்.எச். ஹாறுன், தகைமை அடிப்படையிலான 'இரசாயனவியல் பேராசிரியர்' (Professor in Chemistry - On Merit) பதவிக்கு உயர்த்தப்பட்டுள்ளார். கடந்த 2026 செப்டெம்பர் 25ஆம் திகதி நடைபெற்ற தென்கிழக்குப் பல்கலைக்கழகத்தின் 304ஆவது பேரவைக் கூட்டத்தின் போதே, கலாநிதி எம்.எச். ஹாறுனை பிரயோக விஞ்ஞான பீடத்தின் இரசாயனவியல் விஞ்ஞானத் துறையின் பேராசிரியராகப் பதவி உயர்த்துவதற்கான உத்தியோகபூர்வ அங்கீகாரம் வழங்கப்பட்டது. இப்பதவி உயர்வானது 2024 செப்டெம்பர் 27ஆம் திகதி முதல் அமுலுக்கு வரும் வகையில் வழங்கப்பட்டுள்ளதாகப் பல்கலைக்கழக நிர்வாகம் அறிவித்துள்ளது. கல்வி மற்றும் ஆராய்ச்சித் தகைமைகள்: பொத்துவிலைப் பிறப்பிடமாகக் கொண்ட ஹாறுன், தனது ஆரம்பக் கல்வியைப் பொத்துவில் மகா வித்தியாலயத்திலும், இரண்டாம் நிலைக் கல்வியைக் கல்முனை சாஹிரா தேசிய கல்லூரியிலும் பயின்றார். 1999ஆம் ஆண்டு பேராதனைப் பல்கலைக்கழகத்தில் இரசாயனவியல் சிறப்புப் பட்டப்படிப்பை (B.Sc. Honours - Chemistry Special) முதன்மைத் தகைமையுடன் பூர்த்தி செய்த அவர், பேராதனைப் பல்கலைக்கழகத்தின் முதுகலை விஞ்ஞான நிறுவனத்தின் (PGIS) மூலம் மேம்பட்ட கரிம இரசாயனவியல் மற்றும் உயிர் இரசாயனவியல்/நச்சுயியல் தொடர்பான முதுநிலைச் சான்றிதழ் கற்கைகளையும் பூர்த்தி செய்தார். அதனைத் தொடர்ந்து, “Chemistry and Biological Activities of Some Sri Lankan Seaweeds and their Endophytic Microorganisms” என்ற தலைப்பில் முனைவர் பட்ட ஆய்வை மேற்கொண்டு பேராதனைப் பல்கலைக்கழகத்தில் இரசாயனவியலில் கலாநிதிப் பட்டத்தைப் (Ph.D.) பெற்றுக் கொண்டார். அத்துடன், பாகிஸ்தானின் கராச்சி பல்கலைக்கழகத்தின் முன்னணி நிறுவனமான H.E.J. Research Institute of Chemistry, ICCBS நிறுவனத்தில் இரண்டு கட்டங்களாக (2016–2017 மற்றும் 2018–2019) Postdoctoral Research பயிற்சிகளையும் வெற்றிகரமாக நிறைவு செய்தார். நீண்டகால கல்விச் சேவையும் நிர்வாகப் அனுபவமும்: 2002ஆம் ஆண்டு தென்கிழக்குப் பல்கலைக்கழகத்தின் பிரயோக விஞ்ஞான பீடத்தில் இரசாயனவியல் விரிவுரையாளராகச் சேர்ந்த இவர், பின்னர் சிரேஷ்ட விரிவுரையாளர் தரம் I ஆக உயர்ந்து கரிம இரசாயனவியல் (Organic Chemistry) துறையில் கற்பித்தல் மற்றும் ஆய்வுகளை முன்னெடுத்தார். துறைத் தலைவர்: 2019 மார்ச் முதல் 2022 ஆகஸ்ட் வரை இரசாயன விஞ்ஞானத் திணைக்களத்தின் (Department of Chemical Sciences) தலைவராகப் பணியாற்றினார். பீடாதிபதி பணி: 2022 ஆகஸ்ட் முதல் 2025 ஆகஸ்ட் வரை பிரயோக விஞ்ஞான பீடத்தின் பீடாதிபதியாகப் பொறுப்பு வகித்து, பீடத்தின் கல்வி மற்றும் ஆராய்ச்சித் தரத்தை உயர்த்தினார். ஆராய்ச்சி மாநாடுகள்: பிரயோக விஞ்ஞான பீடத்தின் வருடாந்த விஞ்ஞான ஆராய்ச்சி மாநாடுகளின் (Annual Science Research Session) தலைவராகச் பல ஆண்டுகள் (2022, 2023 மற்றும் 2024) திறம்படச் செயற்பட்டார். பல்கலைக்கழகக் கூட்டமைப்பு: பல்கலைக்கழகப் பேரவை (Council), செனட் சபை (Senate) ஆகியவற்றின் உறுப்பினராகவும், Academic Warden, மாணவர் ஆலோசகர், மற்றும் உலக வங்கியின் AHEAD (ELTA-ELSE DP) திட்டத்தின் திட்ட ஒருங்கிணைப்பாளராகவும் பல்வேறு உயர் நிர்வாகப் பொறுப்புகளை வகித்துள்ளார். சர்வதேச ஆராய்ச்சி வெளியீடுகளும் விருதுகளும்: இலங்கையின் கடற்பாசிகள், அவற்றின் இரசாயனக் கூறுகள், மருத்துவத் தாவரங்கள், கடல்சார் நுண்ணுயிரிகள் (Endophytic microorganisms) மற்றும் இயற்கைப் பொருட்களின் மருத்துவப் பயன்பாடுகள் குறித்த இவரது பல ஆய்வுக் கட்டுரைகள் Natural Product Research, Journal of the National Science Foundation of Sri Lanka, BMC Research Notes மற்றும் Heliyon ஆகிய புகழ்பெற்ற சர்வதேச அறிவியல் இதழ்களில் பிரசுரமாகியுள்ளன. இவரது முதன்மை ஆராய்ச்சிகளுக்காகத் தேசிய ஆராய்ச்சி மன்றத்தின் (NRC) Merit Award for Scientific Publication, Kandiah Memorial Award for Basic Chemistry, Pacifichem Young Scholar Award, Third World Academy of Science (TWAS) Fellowship உள்ளிட்ட பல விருதுகளும் புலமைப்பரிசில்களும் வழங்கி கௌரவிக்கப்பட்டுள்ளார். நீண்டகாலக் கல்விச் சேவை, சர்வதேச அளவிலான அறிவியல் கண்டுபிடிப்புகள் மற்றும் நிர்வாகத் தலைமைத்துவம் ஆகியவற்றைக் கருத்திற்கொண்டு வழங்கப்பட்டுள்ள இப் பேராசிரியர் பதவி உயர்வானது, பொத்துவில் மற்றும் கல்முனைப் பிரதேசங்களுக்கும், தென்கிழக்குப் பல்கலைக்கழக சமூகத்திற்கும் பெருமை சேர்க்கும் உன்னதமான சாதனையாகக் கருதப்படுகிறது -- Thanks & Best Regards, பாறுக் ஷிஹான்(ෆාරුක් සිහාන්) Journalist-මාධ්‍යවේදී FAROOK SIHAN(SSHASSAN) B. F .A (Hons)Diploma-in-journalism(University of Jaffna ) 0779008012-(URGENT) sihanfarook@yahoo.com, sihanfarook@gmail.com,sihanfarook@hotmail.com 0719219055,0712320725,0754548445