தென்கிழக்குப் பல்கலைக்கழகத்தில் 13வது சர்வதேச ஆய்வரங்கு – IntSym 2025!

நூருல் ஹுதா உமர்

இலங்கை – தென்கிழக்குப் பல்கலைக்கழகத்தில் செப்டம்பர் 10, 2025 அன்று IntSym – 2025 என்ற 13வது சர்வதேச ஆய்வரங்கு வெற்றிகரமாக நடைபெற்றது. “தொழில்நுட்ப மாற்றமாற்றத்தினூடாக நிலைபேறான வளர்ச்சியை வழிநடத்துதல்” என்ற கருப்பொருளில் நடந்த இந்த நிகழ்வில், பல துறைகளிலிருந்து உலகளாவிய அளவில் கல்வியாளர்கள், ஆராய்ச்சியாளர்கள் மற்றும் மாணவர்கள் கலந்து கொண்டனர்.

நிகழ்வைத் தொடங்கி, ஆய்வரங்கின் இணைப்பாளர் சிரேஷ்ட பேராசிரியர் ஏ.எல்.ஏ. ரவூப் வரவேற்புரை வழங்கினார். உபவேந்தர் பேராசிரியர் எஸ்.எம். ஜுனைடீன் தலைமையுரையுடன் நிகழ்வு சிறப்பானதாக்கப்பட்டது. முக்கிய பேச்சாளராக ஆஸ்திரேலியாவின் Queensland University of Technology பேராசிரியர் அஷ்ஹறுள் கரீம் தொழில்நுட்ப மாற்றங்களின் தாக்கம் மற்றும் நிலைபேறான வளர்ச்சிக்கான பங்களிப்புகளை விவரித்தார்.

ஆய்வரங்கிற்கு 100க்கும் மேற்பட்ட ஆய்வுக் கட்டுரைகள் சமர்ப்பிக்கப்பட்டு, அவை ஐந்து துணைக் கருப்பொருள்களாக பிரிக்கப்பட்டு விவாதிக்கப்பட்டன. இதில் நிலைபேறான வளர்ச்சி, தொழில்நுட்ப முன்னேற்றங்கள், சமூக மற்றும் பண்பாட்டு விளைவுகள், இடைத்துறை அணுகுமுறைகள், கல்வி மற்றும் திறனாய்வு மேம்பாடு ஆகியவை அடங்கின.

கலாநிதி எச்.எம். நிஜாம் நெறிப்படுத்திய விவாத அமர்வில் பல பேராசிரியர்கள் கருத்துக்களை முன்வைத்து, அறிவியல், தொழில்நுட்பம் மற்றும் மனிதவியல் துறைகளின் இணைப்பை வலியுறுத்தினர்.

இந்த ஆய்வரங்கு, உலகளாவிய கல்வி மற்றும் ஆராய்ச்சி சமூகத்தில் தென்கிழக்குப் பல்கலைக்கழகத்தின் முக்கிய பங்களிப்பை மீண்டும் வெளிப்படுத்தியது.

நிர்வாகம் மற்றும் பங்கேற்பாளர்கள்: கலை கலாச்சார பீடத்தின் பீடாதிபதி பேராசிரியர் கலாநிதி எம்.எம். பாஸில், முகாமைத்துவ வர்த்தக பீடத்தில் பீடாதிபதி பேராசிரியர் கலாநிதி ஏ.எம்.எம். முஸ்தபா, தொழில்நுட்பவியல் பீடத்தின் பீடாதிபதி கலாநிதி யூ.எல். அப்துல் மஜீத், பிரயோக விஞ்ஞான பீடத்தின் பீடாதிபதி பேராசிரியர் கலாநிதி எச்.எம்.எம். நளீர், இஸ்லாமிய கற்கைகள் மற்றும் அரபு மொழி பீடத்தின் பதில் பீடாதிபதி கலாநிதி ஏ.எம். றாசிக், பேராசிரியர்கள், திணைக்கள தலைவர்கள், பதிவு அலுவலர் எம்.ஐ. நௌபர் மற்றும் பலர் பங்கேற்றனர்.

IntSym – 2025 ஆய்வரங்கு அறிவியல், தொழில்நுட்பம் மற்றும் மனிதவியல் துறைகளின் இணைப்புக்கு ஒரு பல்வழி தளமாக உருவாகி, உலகளாவிய கல்வி மற்றும் ஆராய்ச்சி சமூகத்திற்கு ஒரு நினைவுகூரத்தக்க அனுபவமாக இருந்தது.