சவூதியிடமிருந்து 425 மில்லியன் அமெரிக்க டொலர்கள் இலங்கைக்கு அபிவிருத்திக்கடன்..!

அபிவிருத்திக்கான சவூதி நிதியத்துக்கும் (SFD) இலங்கைக்குமிடையிலான நல்லுறவுகள் ஆரம்பித்ததிலிருந்து நீர், சக்தி, சுகாதாரம், பாதையமைப்பு மற்றும் கல்வி ஆகிய துறைகளில் மொத்தமாக 13 திட்டங்களை ல்ச்செயற்படுத்த, SFD மொத்தமாக சுமார் 425 மில்லியன் அமெரிக்க டொலர்கள் அளவு பெறுமதியுள்ள 15 அபிவிருத்திக் கடன்களை வழங்கியுள்ளது. 

இவற்றுள் பிரதானமாக நிதியளிக்கப்பட்ட 13 திட்டங்கள்

1. கொழும்பு குடிநீர் வழங்கல் மற்றும் கழிவுநீர் நிர்வாகத் திட்டம் (1981 இல் கடன் வழங்கப்பட்டது) – நகர குடிநீர் மற்றும் சுகாதார அமைப்புகளை மேம்படுத்துதல்.

2. மின்சார பிணைய பராமரிப்புத்திட்டம் (1981) – தேசிய மின்சார பாவனை மற்றும் உள்கட்டமைப்பை மேம்படுத்துதல்.

3. மஹவெலி கங்கை அபிவிருத்தி – இடது கரை (1980-களின் ஆரம்பத்தில் வழங்கப்பட்டது) – நீர்ப்பாசன வசதி மற்றும் விவசாய ஆதரவு.

4. கொழும்பில் நியுரோ-ட்ரோமா பிரிவு அடங்கலான சுகாதார வளங்கள் அபிவிருத்தித்திட்டம் (2002 மற்றும் 2008).

5. மட்டக்களப்பு – திருகோணமலை சாலை அபிவிருத்தி (2004) – கிழக்கு மாகாணத்தின் போக்குவரத்தை மேம்படுத்தும் நோக்கு.

6. சுகாதார வளங்கள் அபிவிருத்தி (2008) – கொழும்பு சுகாதார உள்கட்டமைப்பின் இரண்டாம் கட்ட அபிவிருத்தி.

7. எப்பிலெப்சி மருத்துவமனை மற்றும் சுகாதார மையம் (கொழும்பு தேசிய மருத்துவமனை) (2008 இல் கட்டப்பட்டது, 2015 இல் இதற்கு மேலதிக கடன் தொகை வழங்கப்பட்டது)– 242 படுக்கைகள் கொண்ட சிறப்பு சிகிச்சை மையம் அமைப்பு.

8. களுகங்கை அபிவிருத்தித்திட்டம் (இடது கரை விரிவு, சுமார் 45 மில்லியன் அமெரிக்க டொலர் நிதி, 2010/2017) – பாசனம், நீர்த்தேக்க தொட்டி மற்றும் கால்வாய் அமைப்புகள்.

9. சாலை வலையமைப்பு அபிவிருத்து / தேசிய நெடுஞ்சாலைகள் மேம்படுத்தல் (பேராதனை – பதுளை- செங்கலடி வரை, சுமார் 60 மில்லியன் அமெரிக்க டொலர் நிதி, 2015 இல் ஆரம்பித்து 2021 இல் முடிவடைந்தது)

10. வயம்ப பல்கலைக்கழக நகர அபிவிருத்தி (சுமார் 28 மில்லியன் அமெரிக்க டொலர் நிதி வழங்கப்பட்டு, 2017 இல் தொடங்கியது) – உள்கட்டமைப்பு அபிவிருத்தி செய்து வருடத்திற்கு 5,000-க்கு மேற்பட்ட மாணவர்களுக்கு உதவும் நோக்கம்)

11. சபரகமுவ பல்கலைக்கழகத்தின் மருத்துவபீடம் அமைப்பு (சுமார் 50 மில்லியன் அமெரிக்க டொலர், 2019 இல் ஒப்பந்தம்)

12. கிண்ணியா பாலம் (திருகோணமலை மாவட்டம்) – சுமார் 2017-இல் கடன் ஒப்பந்தத்தின் கீழ் நிதி பெற்றது, சுமார் 1,00,000 மக்கள் பயன்பெறும் வகையில் அமைக்கப்பட்டுள்ளது.

13. கொழும்பு தேசிய மருத்துவமனையில் நியூரோ-டிராமா பிரிவு – சுகாதாரத்துறையின் திட்டங்களின் கீழ் நிதியளிக்கப்பட்ட சிறப்பு நியூரோடிராமா சிகிச்சை மையம்

இத்திட்டங்களுள் வயம்ப பல்கலைக்கழக நகர அபிவிருத்தித் திட்டத்தினைப் பொருத்தமட்டில், வையம்ப பல்கலைக்கழகத்தை மேம்படுத்தும் நோக்கில் 28 மில்லியன் அமெரிக்க டொலர் (சுமார் 105 மில்லியன் சவுதி ரியால்) மதிப்புடைய கடன் ஒப்பந்தம் 2017 அக்டோபர் 24ம் தேதி கையெழுத்திடப்பட்டது.

இத்திட்டத்தின் நோக்கத்தைப் பொருத்தளவில், கல்விக்கான உட்கட்டமைப்பு வசதிகளை விரிவாக்கி மேம்படுத்துவதன் மூலம், 5,000க்கும் மேற்பட்ட மாணவர்களுக்கான கல்வியில் துணை நிற்பதோடு, கல்வித்தரத்தை உயர்த்தல் மற்றும் சூழவுள்ள சமூகத்தின் நீண்டகால பொருளாதார மற்றும் சமூக திறன்களை வலுப்படுத்துவதுமாகும். 

இத்திட்டத்தின் பரப்பை பொறுத்தளவில் கற்பித்தல் வசதிகளை விரிவாக்குதல், கல்விக்கான உட்கட்டமைப்பை மேம்படுத்துதல் மற்றும் குளியாபிட்டிய மற்றும் மாகந்துர பகுதிகளில்ள்ள வயம்ப பல்கலைக்கழகத்தை ஒரு முக்கிய கல்வி மையமாக மாற்றுதல் ஆகியவை அடங்குகின்றன.

காலித் ஹமூத் அல்கஹ்தானி 

இலங்கைக்கான சவூதி அரேபியத்தூதுவர்