புதிய பராபவ தமிழ் சித்திரைப் புத்தாண்டு ஏப்ரல் 14 இல் பிறக்கிறது!

( வி.ரி.சகாதேவராஜா)

தமிழ் மக்களின் 60 ஆண்டுகால வருடச் சுழற்சியில் புதிய பராபவ  தமிழ் சித்திரைப் புத்தாண்டு ஏப்ரல் 14 இல் பிறக்கிறது.

தமிழ் மக்களின் பாரம்பரிய திருநாளான சித்திரைப் புத்தாண்டு வாக்கிய பஞ்சாங்கப்படி 2026 ஆண்டிற்கான முக்கிய நேரங்கள் அறிவிக்கப்பட்டுள்ளன.

சித்திரைப் புத்தாண்டு தினம் ஏப்ரல் 14, 2026 (செவ்வாய்க்கிழமை) அன்று கொண்டாடப்படுகிறது.

 அன்றைய தினம் அதிகாலை 4.40 மணி முதல் நண்பகல் 12.40 மணி வரை விசு புண்ணிய காலமாகும். 

அக் காலத்தில் மருத்துநீர் தேய்த்து ஸ்ஞானம் செய்தல் நல்லது.

புத்தாண்டு பிறக்கும் நேரம் அதே நாள் காலை 8 மணி 40 நிமிடமாக அறிவிக்கப்பட்டுள்ளது.

 இதனை முன்னிட்டு மக்கள் வழக்கமான முறையில் சுப நிகழ்ச்சிகளை மேற்கொள்ளலாம்.

அந்நாளில் அணிய வேண்டிய ஆடை மற்றும் ஆபரணங்கள் குறித்தும் பரிந்துரைகள் வழங்கப்பட்டுள்ளன.

 சிவப்பு மற்றும் வெள்ளை நிற ஆடைகள் அணிவது சிறப்பாக கருதப்படுகிறது. மேலும், பவளம் மற்றும் வைரம் போன்ற ஆபரணங்கள் அணிவதும் நல்லதாக கூறப்பட்டுள்ளது.

கைவிசேட நேரங்களும் அறிவிக்கப்பட்டுள்ளன. ஏப்ரல் 14 அன்று காலை 8.47 மணி முதல் 9.04 மணி வரை மற்றும் பகல் 11.46 மணி முதல் 12.06 மணி வரை சிறந்த நேரமாகும். மேலும், ஏப்ரல் 15 அன்று காலை 9.04 மணி முதல் 9.55 மணி வரைவும் நல்வேளையாக கருதப்படுகிறது.

இந்த ஆண்டின் சங்கிரமதோஷ நாட்களில் திருவாதிரை, புனர்பூசம் 4ஆம் பாதம், பூசம், ஆயில்யம், சுவாதி, அவிட்டம் 4ஆம் பாதம், சதயம், பூரட்டாதி 1, 2, 3ஆம் பாதங்கள் ஆகிய நாட்கள் குறிப்பிடப்பட்டுள்ளன.

இந்த அறிவிப்புகள் அடிப்படையில் மக்கள் புத்தாண்டு நாளை சிறப்பாகக் கொண்டாட தயாராகி வருகின்றனர்.