தேர்தல் சட்டத்தை மீறும் அரசியல் அறிக்கைகளை வெளியிடுவதை தவிர்க்குமாறு ஜனாதிபதிக்கு தேர்தல்கள் ஆணைக்குழு கடிதம்..

 

தேர்தல் சட்டத்தை மீறும் அரசியல் அறிக்கைகளை வெளியிடுவதை தவிர்க்குமாறு ஜனாதிபதிக்கு அறிவிக்குமாறு ஜனாதிபதி செயலாளருக்கு தேர்தல்கள் ஆணைக்குழு கடிதம் ஒன்றை அனுப்பியுள்ளது.

தேர்தல் கண்காணிப்பு அமைப்புக்கள் தேர்தல்கள் ஆணைக்குழுவிற்கு செய்த முறைப்பாடுகளின் அடிப்படையில் இந்த கடிதம் அனுப்பி வைக்கப்பட்டுள்ளதாக ஆணைக்குழுவின் உள்ளக வட்டாரங்கள் தெரிவிக்கின்றன.

உள்ளூராட்சி மன்றத் தேர்தலில் அதிகாரம் இல்லாத நிறுவனங்களுக்கு ஆட்சி அதிகாரத்தை வைத்திருக்கும் தேசிய மக்கள் சக்தி ஒதுக்கீடு செய்யாது என ஜனாதிபதி அனுரகுமார திஸாநாயக்க அரசியல் மேடைகளில் அறிவித்த போது தேர்தல் சட்டங்கள் மீறப்பட்டுள்ளதாக தேர்தல் கண்காணிப்பு அமைப்புகள் முறைப்பாடு செய்திருந்தன.

இந்த பிரகடனம் உள்ளூராட்சி தேர்தல்கள் சட்டத்தின் பிரிவுகள் 82C (தவறான செல்வாக்கு) மற்றும் 82D (அதிகபட்ச நன்மைக்கான வாக்குறுதிகள்/வழங்கல்கள்) ஆகியவற்றின் தெளிவான மீறல் என அவதானிக்கும் அமைப்புகள் சுட்டிக்காட்டியுள்ளன.

ஜனாதிபதி சாதாரண நாடாளுமன்ற உறுப்பினர் அல்ல எனவும், பணப் பங்கீடு குறித்து முடிவெடுக்கும் அதிகாரம் அவரிடமே உள்ளது எனவும், எனவே இவ்வாறான அறிக்கைகள் தேசிய மட்டத்தில் மிகவும் சட்டவிரோதமான விளைவை ஏற்படுத்துவதாகவும் அதில் குறிப்பிடப்பட்டுள்ளது.

அரசியலமைப்பின் 35-1வது சரத்து, ஜனாதிபதியின் அறிக்கை தொடர்பான சட்ட நடவடிக்கையைத் தடுத்துள்ளதால், தேர்தல்கள் ஆணைக்குழு ஜனாதிபதிக்கு எழுத்து மூலம் அறிவித்துள்ளதாக உள்ளகத் தகவல்கள் தெரிவிக்கின்றன.