“ரணில் விக்கிரமசிங்க ஒரு அரேபிய சுல்தானா?” - அனுர கேள்வி

 தான் ஆட்சியில் இல்லாவிட்டால் ஏற்படும் எரிபொருள் தட்டுப்பாட்டைத் தவிர்க்க முடியாது என்று ஜனாதிபதி ரணில் விக்கிரமசிங்க தெரிவித்த கூற்றுக்களை தேசிய மக்கள் சக்தியின் (NPP) தலைவர் அனுரகுமார திஸாநாயக்க கடுமையாக விமர்சித்துள்ளார்.

ஒரு பொதுக்கூட்டத்தில் உரையாற்றிய திஸாநாயக்க, “ரணில் விக்கிரமசிங்க ஒரு அரேபிய சுல்தானா?” என்று வினவினார். விக்கிரமசிங்கவின் தலைமையால் மட்டுமே எரிபொருள் நெருக்கடியை தடுக்க முடியும் என்ற கருத்தை நிராகரித்த அவர், இத்தகைய கூற்றுக்கள் அரசியல் கட்டுப்பாட்டை தக்கவைத்துக்கொள்ள பொதுமக்களின் அச்சத்தை தூண்டி அதைக் குழப்பும் முயற்சிகள் என்று குறிப்பிட்டார்.

அத்துடன்  NPP அதிகாரத்தைப் பெற்றால் டொலர் வீதம் உயரும் என்று விக்கிரமசிங்க கூறியதையும் நிராகரித்த அநுர NPP ஆட்சியின் கீழ், ரூபாய் நிலைப்படுத்தப்படும் என்று உறுதியளித்தார்.